بورصة الدواجن اليوم تحديث لحظة بلحظة

سعر الكتكوت الابيض اليوم السبت 13 - 7 - 2024

إليكم سعر الكتكوت الابيض عمر يوم اليوم السبت 13 - 7 - 2024 في البورصة مع معرفة جميع اسعار الكتاكيت الساسو والبلدي وأحدث اسعار جميع الشركات المنتجة للكتاكيت البيضاء.

سعر الكتكوت الأبيض عمر يوم اليوم

سعر الكتكوت الأبيض عمر يوم اليوم

إذا كنت تبحث عن اسعار الكتاكيت سواء البيضاء أو الساسو أو البلدي في بورصة الدواجن اليوم لجميع الشركات فهذا التقرير المحدث باستمرار خير دليل لك، حيث ستجد فيه بيان كامل وحصري بالأسعار التي يتم بها التداول على الكتاكيت في هذه اللحظة داخل الأسواق والشركات الكبرى المنتجة للكتاكيت في مصر.

يتم تحديث الأسعار آلياً على مدار اليوم

اسعار الكتاكيت اليوم

الصنفالسعرمؤشر السعر
كتكوت أبيض شركات30 جنيه
price-changes 2
كتكوت أبيض قطعان17.25 جنيه
price-changes 2
كتكوت ساسو19 جنيه
price-changes
كتكوت ساسو بيور20 جنيه
price-changes
كتكوت بلدي8 جنيه
price-changes
كتكوت هجين16 جنيه
price-changes
كتكوت جيل ثاني17.50 جنيه
price-changes
كتكوت روزي بيور17.50 جنيه
price-changes
آخر تحديث للأسعارمنذ 3 ساعاتــــ
ملحوظة: تمت إضافة فقرات جديدة في نهاية المقال نستعرض بها الفرق بين كتكوت الشركات وكتكوت القطعان بالإضافة إلى شرح لأنواع الكتاكيت البيضاء ومميزات وعيوب ونصائح مهمة لكل نوع كتكوت.

سعر الكتكوت الابيض اليوم جميع الشركات

سعر الكتكوت الابيض اليوم جميع الشركات
الشركةالسعرمؤشر السعرالتحديث
الوطنية29 جنيه
price-changes 1
اليوم
الوادي27.50 جنيه
price-changes 1
اليوم
نيوهوب30 جنيه
price-changes
اليوم
الفيروز29 جنيه
price-changes
اليوم
مكه المكرمة28 جنيه
price-changes
اليوم
رواد النيل33.50 جنيه
price-changes
اليوم

أنواع كتاكيت الشركات السابقة

أنواع كتاكيت الشركات
  • شركة طيبة: IR.
  • شركة الوطنية: كب.
  • شركة القاهرة: أربو.
  • شركة القصبي: أربو.
  • شركة الوادي: روص.
  • شركة الصلاح: كب – روص.
  • شركة حسن الغريب: أربو.
  • شركة أسيوط للإستثمار: روص.
  • شركة المصرية الهولندية: روص.
  • شركة طنبول: أربو – IR – روص.
  • شركة أمات للدواجن: روص – IR.
  • شركة كايرو ثري ايه: هابرد افشنسي بلس.
  • شركة الكناني جروب: كب – روص – إيفيان معدل – أربو – IR.

ايه الفرق بين كتكوت الشركات وكتكوت القطعان؟

ملحوظة: تمت كتابة الفروقات بين كتكوت الشركات وكتكوت القطعان باللغة العامية المصرية لتبسيط الشرح وزيادة الفائدة”

الفرق بين الكتكوت الأبيض القطعان والكتكوت الأبيض الشركات يتمثل في أن القطعان تكون خرجت من الشركات. يعني لما الفرخة اللي في الشركة تقل في إنتاجها، الشركة تقوم بإخراجها وبيعها في السوق للاستخدام كلحم. المفروض إن الفرخة دي تطلع للذبح، لكن في ناس عندهم مشاريع بيشتروا الأمهات دي من السوق، خاصةً اللي عندهم فقاسات أو معامل تفريخ. هما بيشتروا الأمهات دول ويستخدموهم لإنتاج كتاكيت الأهالي (القطعان) في معاملهم.

ممكن يكون في ناس تسأل: «إذا كانت الفرخة دي في شركة وطلعت منها، يبقى لما تروح المعمل يتسمى الكتكوت بتاعها أهالي؟» الإجابة هي إن الكتكوت ده هو نفسه الكتكوت اللي كان في الشركة، والفرخة هي هي اللي كانت في الشركات.

الفرق بين القطعان والشركات بسيط وواضح: الفرخة اللي بتطلع من الشركات دي بتكون عجزت، وبالتالي الفيتامينات في جسمها بتقل، ومناعتها بتضعف علشان كبرت وعجزت، فمناعتها تقل.

تاني حاجة مهمة هي الأمصال اللي كانت الأمهات في الشركات بتاخدها كل شهر. في الشركات، كانت الأمهات دي بتتكلف عليهم كتير، وكانت بتاخد أمصال معينة كل شهر وكل 15 يوم. لكن بمجرد ما تطلع من الشركة، مبقاش بيتصرف عليها بنفس الطريقة دي.

في الشركات، كانت الفرخة بتاخد علاجات وفيتامينات وأدويه وأملاح وروافع مناعة. كل ده بيبدأ ينتهي لما تطلع من الشركة. لما الفرخة تكبر وتعجز، مناعتها بتقل، وكمان الكتكوت اللي بتطلعه بيكون أكبر من الحجم الطبيعي لأن حجم البيضة بتاعتها بيكبر. علشان كده، مش دايمًا الكتكوت الكبير يكون حاجة كويسة.

بالإضافة لكده، الفرخة لما بتطلع من الشركة مبقتش تتغذى بنفس الطريقة زي ما كانت في الشركة. المنتجين لكتكوت الأهالي بيوقفوا دورة الأمصال الكاملة اللي كانت بتاخدها زي الفيتامينات والأملاح وكل الأمصال التانية. يعني ببساطة، كانوا بيصرفوا عليها كتير كل شهر، لكن دلوقتي، لأنها كبرت وعجزت وإنتاجها قل، بقت خسارة لو فضلت في الشركة. علشان كده، الشركات بتبدأ تجيب إنتاج جديد وتستغنى عن الفراخ الكبيرة في السن، وبتنزل الفراخ دي في الأسواق تتباع.

الميزة في كتاكيت الشركات هي إن الفرخة الأم بتكون تحت رعاية كبيرة. الفرخة دي بتتربى من وهي كتكوت صغير وبتاخد دورة كاملة من الأمصال، بدايةً من عمر يوم لحد ما توصل لـ6 شهور. كمان بتاخد أمصال مخصوصة قبل ما تبدأ تضع البيض، وكمان ليها برنامج أدوية معين وتحصينات خاصة.

لو حد عايز يربي كتاكيت في البيت وفكر يجيب فراخ يربيهم، ممكن يسأل: ‘هل ينفع أجيب كتاكيت الأهالي ولا ده هيأثر عليهم ومش هيكبروا؟’ الإجابة هي إن الكبر وزيادة الوزن في كتاكيت القطعان أو الأهالي مش بيختلف كتير عن كتاكيت الشركات. لكن الفرق بينهم بيكون في مناعة الكتكوت وقدرته على تحمل المناخ بتاعنا. الكتكوت اللي مناعته ضعيفة ومبيستحملش المناخ بيكون مشكلة. عشان كده في المزارع بيفضلوا يجيبوا كتاكيت الشركات اللي مناعتها قوية جدًا.

ما هي انواع الكتكوت الابيض؟

ما هي انواع الكتكوت الابيض

في السطور الجاية هنتكلم عن أنواع الكتاكيت البيضاء المختلفة، وهنستعرض أفضلهم وعيوب كل نوع، عشان نساعدكم تختاروا الأنسب لمشروعكم.

1- كتكوت الكب

يعتبر من أرقى السلالات في عالم الكتاكيت. الكب معروف بأنه يمتاز بوزن كبير في الصدر، اللي هو عريض ويعتبر أثقل عضو في جسم الطائر. بالعامية كده، ‘الصدر بيرمي وزن’ في كل الأحوال. وحاجة ملفتة في الكب إنك لما تقدر وزنه بالعين، مثلاً تقول 1500 جرام، ولما تحطه على الميزان تلاقيه 1700 جرام. لحم الكب بيكون تقيل ودي ميزة حلوة فيه. كمان بيستجيب بسرعة للعلاج في أي مرض.

عيوب الكب إنه حساس جدًا للحرارة العالية، خصوصًا في الصيف، وممكن يموت من الحرارة العالية أو من الزحام والبرد. يعني اللي عايز يربي الكب لازم يديله رعاية خاصة، ولو اتبعت الشروط دي هتلاقي نتائج جميلة في الوزن.

2- كتكوت الروص

من أبرز مميزاته قوته وتحمله. الروص يعتبر كتكوت قوي يقدر يتحمل الحرارة العالية والبرد، سواء كان في نقصان الحرارة أو في حالات الازدحام. بالنسبة للحم، الروص يعتبر أقل من الكب في الوزن، لأن وزنه بيكون في الوراك أو الأفخاذ. ثقل الروص بيكون في رجليه، بينما الكب ثقله في الصدر. ولما يجي الأمر لاستجابة الأدوية، الروص بيكون أبطأ من الكب.

3- كتكوت الهبرد

بالنسبة لوزن اللحم في الصدر والورك، الهبرد بيكون عادي. يتميز بظهره العريض. من ناحية قوة التحمل والاستجابة للأدوية والوزن العام للطائر، الهبرد يقع في المنتصف بين الكب والروس. الهبرد له ريش قليل، اللي بيخليه مفضل في الصيف بسبب تحمله للحرارة، لكنه مش مفضل في الشتاء أو في البرد عمومًا.

4- كتكوت الأفيان

من واقع خبرتي، الأفيان 48 يعتبر من أفضل أنواع الأفيان. كتكوت الأفيان بشكل عام له مقاومة عالية للأمراض، وبيوصل لأوزان معقولة. لكن، لازم نفرق بين أفيان الشركات وأفيان المفرخات الخاصة بالأهالي. أمهات الأفيان المتحصنة في الشركات بتعطي كتكوت أفيان قوي ومقاوم للأمراض. بالمقابل، أفيان المفرخات الخاصة بالأهالي بيكون متعب جدًا وبيتطلب صرف كثير ومش بيعطي أوزان كويسة.

من ناحية الأسعار، الكب دايمًا بيكون سعره أعلى من الأفيان والروص والهبرد.

5- كتكوت الأربو

من أول السلالات اللي دخلت مصر، ومن وجهة نظري، الأربو من أفضلها من حيث سرعة التحويل، المناعة، والمظهر العام. الأربو يتميز بكونه من أنشط الأصناف وأكثرها حيوية، ويتمتع بمناعة عالية ومقاومة قوية للظروف البيئية المختلفة، سواء الحر أو البرد. كمان بيستجيب بسرعة للأدوية، ومدة حضانة المرض بيه ما بتطولش بسبب مناعته العالية. الأربو بيمتاز بتناسق في التحويل بين الورك والصدر، لكنه حساس جدًا للسموم.

6- كتكوت IR

هو واحد من السلالات الجديدة اللي ظهرت مؤخرًا، ويعتبر من أفضل الأصناف في تحويل اللحم حتى عمر 17 يوم. كتكوت IR مميز وسهل التفريق عن باقي الأصناف، حيث إنه بيتصف بعيون واسعة دائرية الشكل لامعة، وأرجل فضية اللون براقة، بالإضافة لحيويته العالية وشهيته المرتفعة جدًا. كمان معدل نفوقه منخفض ومناعته عالية. لكنه حساس جدًا للميكوبلازما واستجابته للأدوية تكون معدومة. مع ذلك، هو بيتحمل أغلب الأمراض. يفضل تربية كتكوت IR في المزارع المغلقة لأنه حساس للتقلبات الجوية. لو اتربى بطريقة سليمة، بيكون من أفضل الأصناف من حيث سرعة التحويل، ويكون 75% من وزنه في الصدر.

أخيرًا، نصيحة للمربين: لا تخاطروا بشراء كتاكيت من سلالات مجهولة المصدر. احرصوا دايمًا على اختيار كتاكيت الشركات، لأن ده هيوفر لكم في النهاية.

كريم احمد محمد

كاتب عربي اعمل لدى موقع "بالتفصيل" اعشق التدوين الالكتروني ومهتم بجميع الاخبار سواء السياسية أو الاقتصادية أو الرياضية, مبدئي في الحياة هو النجاح ولا شئ آخر
201 تعليقات
أحدث التعليقات
التعليقات الأقدم الأكثر إعجاباً
Inline Feedbacks
View all comments